Ndalohen tre persona për posedim ilegal të armëve
Policia ka ngritur kallëzim penal ndaj tre të dyshuarve për posedim dhe mbajtje të armës pa leje.
Në njoftimin e Policisë thuhet se mbrëmë gjatë një kontrolli në fshatin Lubinje e Epërme të Prizrenit i kanë ndalur për kontrolle një automjet të tipit ËV Pasat me targa vendore, ku kanë gjetur në posedim ilegal të armës pronarin e automjetit dhe dy bashkudhëtarë.
“Të dyshimtit posedonin tri armë, dy nga ato armë gjahu dhe një armë gjysmë automatike së bashku me 8 fishek. Armët u sekuestruan në cilësinë e provës. Policia ndaloj menjëherë të dyshimtit, të njëjtit u intervistuan për posedim të armëve pa leje”.
“Ndaj të dyshimtëve M.B i lindur në vitin 1993, A.M i lindur në vitin 1989 dhe M.K i lindur në virin 2002, hetuesit policor ngritën kallëzim penal për posedim dhe mbajtje të armës pa leje. Në lidhje me rastin është informuar prokuroi i Shtetit i cili urdhëroi që rasti të hetohet në procedurë të rregullt”, thuhet në njoftim.























