Arrestohen 6 persona për "detyrim prostitucioni" në qendra masazhesh
BKT
Kronika

Arrestohen 6 persona për "detyrim prostitucioni" në qendra masazhesh

Policia e Kosovës njofton se Drejtoria për Hetimin e Trafikimit me Qenie Njerëzore (DHTQNj) ka bërë kontrolla në qendra të ndryshme të masazheve.

Në bazë  të planit operativ, më 15 dhe 16 mars, hetuesit policorë nga DHTQNj këtë plan e kanë realizuar në bashkëpunim me inspektorë të MTI-së dhe me ATK-në. 

Gjatë realizimit të operacionit janë kontrolluar/inspektuar 57 qendra masazhi. Janë iniciuar dy raste për përfshirje të të dyshuarve në veprat  penale ‘mundësim apo detyrim në prostitucion’  dhe  ‘ofrim i lokaleve për prostitucion’, nga i cili operacion janë arrestuar 6 të dyshuar, prej tyre dy janë dërguar në mbajtje deri në 48 orë me aktvendim të prokurorit. 

Me vendimin e inspektorëve  janë mbyllur 14 lokale dhe janë shqiptuar gjoba për parregullsitë e evidentuara.

Gjatë realizimit të operacionit policor janë legjitimuar 107 persona (96 femra, dy të mitura dhe 11 meshkuj). Nga personat e legjitimuar, me shtetësi të huaj janë hasur 19 nga Shqipëria, 4 nga Tajlanda dhe 1 nga Rumania. Shtetaset  e huaja  në mungese të  paraqitjes së lejes së qëndrimit janë trajtuar nga   Drejtoria  për  Migrim dhe Huaj e PK-së./S.K.


MË SHUME NGA Kronika