Policia jep detaje për aksidentin e djeshëm me fatalitet
Një aksident trafiku ka ndodhur të mërkurën rreth orës 11:25 në autostradën “Ibrahim Rugova”, si pasojë e të cilit një person ka humbur jetën dhe një tjetër është lënduar.
Policia njofton se aksidenti ka ndodhur pasi drejtuesi i automjetit, shtetas i Shqipërisë, duke mos përshtatur shpejtësinë me kushtet e rrugës, ka humbur kontrollin mbi drejtimin e automjetit.
I njejti ka goditur mbrojtëset e rrugës.
Policia konfirmon se aksidenti ndodhi në autostradën "Ibrahim Rugova" në drejtim të Prizrenit.
“Si pasojë e aksidentit, viktima mashkull kosovar – pasagjer ka humbur jetën, ndërsa drejtuesi i automjetit ka pësuar lëndime trupore. Në vendin e ngjarjes mjeku kujdestar ka konfirmuar vdekjen e viktimës”, thuhet në raport.
Më tej thuhet se në vendin e ngjarjes ka dal edhe prokurori kujdestar i cili ka urdhëruar që trupi i pa jetë te dërgohet në Institutin e Mjekësisë Ligjore për obduksion.
Ndërsa, i dyshuari me vendim të prokurorit është dërguar në mbajtje.























