09:10 / 03.06.2022
Rrufeja mbyt prizrenasin derisa punonte me traktor
Një person ka mbetur i vdekur në fshatin Petrovë të Prizrenit, pasi është goditur mbrëmë nga rrufeja .
Për rastin ka dhënë detaje Policia e Kosovës, përmes raportit 24 orësh.
Vdekjen e viktimës, R.V, 55 vjeçar e ka konstatuar ekipi mjekësor.
"Si pasojë e shkëndijës së zjarrit po ashtu është djegur edhe ngarkesa që kishte në traktor. Zjarrfikësit kanë dalë në vendin e ngjarjes dhe e kanë shuar zjarrin.", thuhet në raport.
Me vendim të prokurorit trupi i pajetë i viktimës është dërguar për obduksion.























