11:27 / 08.08.2022
Hyn në QKUK me armë dhe drogë, arrestohet
E.Hoti/RTKlive
Policia e Kosovës ka njoftuar se ka arrestuar një burrë në QKUK, pasi në çantën e tij i është gjetur një pistoletë dhe substanca narkotike.
“Është arrestuar i dyshuari mashkull kosovar, pasi që në çantën e tij i është gjetur dhe konfiskuar një pistoletë me dy fishekë dhe 3.6 gr substancë e dyshuar narkotike e llojit marihuana”, thuhet në njoftim.
Sipas njoftimit të policisë me vendim të prokurorit, i dyshuari është liruar në procedurë të rregullt.























