10:04 / 26.08.2022
Gjuajtën me armë nëpër ahengje, arrestohen tre persona
F.Sertolli / RTKlive.com
Policia e Kosovës ka raportuar për tri raste të të shtënave me armë zjarri në disa ahengje familjare.
Sipas raportit 24 orësh të Policisë së Kosovës, dy shtëna kanë ndodhur në Prishtinë, e një në Podujevë.
“Rr. Xheladin Rekaliu, Podujevë 25.08.2022 – 10:55. Pas disa të shtënave me armë zjarri në një aheng familjar, nga i dyshuari mashkull kosovar është konfiskuar një pistoletë, 8 gëzhoja dhe 2 fishekë të kalibrit 9 mm. I dyshuari pas intervistimit me vendim të prokurorit lirohet në procedurë të rregullt”, thuhet në raport.























