Arrestohet një person i dyshuar për grabitje
BKT
Kronika

Arrestohet një person i dyshuar për grabitje

Policia njoftoi sot se ka arrestuar një person të dyshuar për grabitje.

Rasti kishte ndodhur më 23 gusht të këtij viti në një pikë karburanti në fshatin Gërlicë të Ferizajt, ku i dyshuari, nën kërcënimin e armës kishte grabitur 2 mijë e 800 euro.

Policët hetues, pas një pune intensive hetimore, grumbullimit të informacioneve në terren, shikimit të kamerave të sigurisë dhe intervistimit të disa personave, kanë arritur ta identifikojnë të dyshuarin me inicialet A.H., 22-vjeçar dhe e kanë arrestuar nën dyshimin se ekzistojnë prova të mjaftueshme se ka kryer veprën penale “Grabitje”.

Me vendim të prokurorit, i dyshuari është dërguar në paraburgim.


MË SHUME NGA Kronika