10:37 / 06.09.2022
Zhvarroset një foshnje në Istog, nisin hetimet për vdekjen
Emine Hoti/RTKlive
Policia e Kosovës ka njoftuar se një foshnje është zhvarrosur në Istog, me urdhëresë të Gjykatës Themelore në Pejë.
Sipas njoftimit të policisë, foshnja ka vdekur më 8 gusht të këtij viti dhe se zhvarrosja është bërë me qëllim të hetimit të vdekjes.
Rasti është cilësuar si “hetim i vdekjes”.
“HETIM I VDEKJES – Istog 08.08.2022 – 04:50. Me urdhëresë të Gjykatës Themelore Pejë, një foshnje është zhvarrosur më 05.09.2022 dhe është dërguar në IML për autopsi. Me vendim të prokurorit rasti është cilësuar “hetim i vdekjes”, thuhet në raport.























