09:59 / 07.09.2022
Një i arrestuar për dhunë ndaj bashkëshortes
E.Hoti/RTKlive
Policia e Kosovës ka arrestuar një burrë nën dyshimin se ka shkaktuar dhunë ndaj bashkëshortes së tij.
Sipas Policisë rasti ka ndodhur të martën në Prishtinë, ndërsa të dyshuarit i është sekuestruar një revole dhe 40 fishekë.
“Prishtinë 05.09.2022 – 18:00. Është arrestuar i dyshuari kosovar për shkak se kishte ushtruar dhunë ndaj bashkëshortes, viktimës femër kosovare. Nga i dyshuari është sekuestruar një revole dhe 40 fishekë për të cilat i dyshuari posedonte leje valide”, thuhet në raport.
Rasti është iniciuar si “Dhunë familjare” kurse i dyshuari pas intervistimit është dërguar në mbajtje.























