17:27 / 14.09.2022
Arrestohet i dyshuari që shiti barna pa banderola
E.Hoti/RTKlive
Një person i moshë 45 vjeçare është arrestuar të mërkurën në Prishtinë, nën dyshimin se ka shitur barna pa banderola.
Siç njofton Policia e Kosovës, i dyshuari R.J. ka arritur që të përfitojë materialisht dhe njëkohësisht ka rrezikuar shëndetin e pacientëve të cilët kanë konsumuar barnat e tilla.
Bëhet e ditur se barnatorja është kontrolluar nga inspektorët farmaceutik, kurse personi i dyshuar është shoqëruar në polici.
“Ndaj të dyshuarit është iniciuar rasti “Prodhimi dhe shpërndarja e produkteve të dëmshme mjekësore”, i njëjti është intervistuar nga hetuesit policorë dhe me ‘Vendim mbi ndalimin’, lëshuar nga prokurori kujdestar, i dyshuari është dërguar në mbajtje për 48 orë”, thuhet në njoftimin e PK-së.























