Ndalohet i dyshuari për vrasjen e rëndë në Podujevë
E.Hoti/RTKlive
Është vetdorëzuar në polici personi i cili dyshohet për vrasjen e 22 vjeçrit nga Podujeva .
Siç njofton Policia, i dyshuari është arrestuar pas tri ditësh në arrati.
“Pas një pune të intenzive hetimore, policia ka arritur që të identifikoj personin e dyshuar lidhur me vrasjen e rëndë që ka ndodhë me datën 12.09.2022 në fshatin Gllamnik të Podujevës. Kërkimet e vazhdueshme për arrestimin e tij nga ana e policisë, kanë bërë që personi i dyshuar O.Zh. mashkull 25 vjeç, sot të dorëzohet në polici”, thuhet në njoftim.
Behet e ditur se pas intervistimit, personi i dyshuar me vendim të prokurorit të shtetit është dërguar në mbajtje.
Siç është njoftuar më heret nga policia, vrasja e 22 vjeçit ka ndodhur nga therja me thikë pas një mosmarrëveshjeje në trafik.























