14:13 / 22.09.2022
Në Ferizaj arrestohet një person i kërkuar për vjedhje
E.Hoti/RTKlive
Polica Rajonale në Ferizaj ka arrestuar të enjten 49- vjeçarin e kërkuar me inicialet B.K.
Sipas njoftimit nga Policia, ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’ Vjedhje ’’ me dënim burgimi prej një viti.
Bëhet e ditur se pas kompletimit të dokumentacionit, i kërkuari është dërguar në vuajtje të dënimit.
“Policia Rajonale e Ferizajt, do të vazhdojë me realizimin e urdhëresave të gjykatës ndaj personave që ende nuk i janë përgjigjur thirrjes së gjykatës”, thuhet në njoftim.























