09:07 / 05.10.2022
Armë e stoli ari në veturë, policia e arreston dhe ia konfiskon mallin
J.Musliu/RTKlive
Policia e ndali për legjitimim, e pas kontrollit të veturës, atij iu gjetën armë dhe stoli ari.
Rasti ndodhi të martën rreth orës 21:00 në lagjen “Veternik” të Prishtinës.
Policia njofton se një shtetas i Kosovës është arrestuar pasi gjatë kontrollit në veturën e tij, është gjetur dhe sekuestruar një revole si edhe 55 fishkë të kalibrit 9X19mm.
Për më tepër, policia ka bastisur edhe më shumë automjetin e tij dhe në fund, ka gjetur edhe një sasi stolish prej ari.
Lidhur me rastin, policia deklaroi se është njoftuar njësia e doganës që do të merren me rastin.
Në konsultim me prokurorin, rasti është dërguar në procedurë të rregullt.























