11:10 / 13.10.2022
Vdes një person pas aksidentit me traktor
E.Hoti/RTKlive
Policia e Kosovës ka njoftuar se një person ka vdekur, të mërkurën, në Junik, pasi është zënë nga traktori.
Siç njoftohet në raportin 24-orësh të policisë, viktima kishte qenë duke punuar.
"Është raportuar se viktima mashkull kosovar derisa ka qenë duke punuar – përgatitur dru për djegie, dyshohet se është zënë nga traktori dhe si pasojë ka ndërruar jetë. Mjeku kujdestar ka konstatuar vdekjen e viktimës në vendin e ngjarjes”, thuhet në njoftimin e PK-së.
Me vendim të prokurorit, trupi i pajetë është dërguar në IML për obduksion.























