11:15 / 17.11.2022
Nën kërcënimin e armës vidhen para në një punëtori në Artanë
E.Hoti/RTKlive
Policia e Kosovës ka njoftuar për një grabitje që ka ndodhur dje në fshatin Pasjak të Artanës.
Sipas njoftimit të policisë, një person ka raportuar se derisa ka qenë në vendin e punës, një person i maskuar nën kërcënimin e armës i ka grabitur para të gatshme dhe është larguar në drejtim të panjohur.
“Viktima mashkull kosovar ka raportuar se derisa ka qenë në vendin e punës, një person i dyshuar i maskuar nën kërcënimin e armës i ka grabitur para të gatshme dhe është larguar në drejtim të panjohur:, thuhet në raportin e PK-së.
Bëhet e ditur se në vendin e ngjarjes kanë dalur njësitet përkatëse policore, ndërsa nuk raportohet për të lënduar. Rasti është nën hetime.























