Përleshje mes të rinjve në Vushtrri, konfiskohet një pistoletë
Foto: Policia e Kosovës
Kronika

Përleshje mes të rinjve në Vushtrri, konfiskohet një pistoletë

E.Hoti/RTKlive

Policia e Kosovës i ka konfiskuar një pistoletë me pesë fishkë një të mituri në Vushtrri.

Sipas njoftimit, të premten në mbrëmje, Policia në Vushtrri është njoftuar për të shtëna me armë zjarri.

“Me të pranuar informacionin janë ndërmarrë veprime të shpejta policore, ku pas një kohe të shkurtër njësitet policore kanë identifikuar dhe arrestuar të dyshuarin me ç’ rast nga i dyshuari I. K., i moshës së mitur, është konfiskuar një armë e llojit pistoletë me pesë fishkë”, thuhet në njoftimin e PK-së

Nga hetimet fillestare bëhet e ditur se pas një mosmarrëveshje ndërmjet disa të rinjve i dyshuari I.K., ka shtënë me armë në ajër, ku në cilësi të provës materiale është konfiskuar edhe një gëzhojë që dyshohet të jetë shkrepur nga arma e konfiskuar nga i dyshuari.

Lidhur me rastin në cilësi të të dyshuarit është arrestuar edhe një preson tjetër po ashtu i mitur, ku pas procedurave intervistuese me urdhër të prokurorit të rastit, dy të dyshuarit janë liruar në procedurë të rregullt. Ndaj tyre është iniciuar rast për veprën penale ’’Përdorim i armës’’ dhe ’’Armëmbajtje pa leje’’.


MË SHUME NGA Kronika