09:31 / 16.01.2023
Kontrollohet dhe i konfiskohet armë pa leje
J.Musliu/RTKlive
Një patrullë policore në kuadër të stacionit policor në Gjakovë, derisa ishin në krye të detyrës në rrugën “Migjeni” në këtë qytet, kanë ndaluar një veturë të cilën e ngiste shtetasi P. SH., i lindur në vitin 1977.
Gjatë kontrollit, në posedim të të dyshuarit, janë gjetur një pistoletë e tipit “Beretta” me dy karikatorë dhe 26 copë fishekë të cilat ai i posedonte në mënyrë të paautorizuar.
Lidhur me rastin është njoftuar Prokurori i Shtetit, me vendimin e të cilit arma dhe municioni janë sekuestruar, ndërsa i dyshuari është liruar në procedurë të rregullt.
Ndaj tij është iniciuar rast “Mbajtje në pronësi, kontroll ose posedim i paautorizuar i armëve”.























