Aksident trafiku në Istog, vdes shoferi i veturës
BKT
Foto: RTKlive
Kronika

Aksident trafiku në Istog, vdes shoferi i veturës

E. Hoti/ RTKlive

Një aksident trafiku ka ndodhur  mbrëmë në fshatin Lubozhdё të Istogut ku ka mbetur i vdekur një person.

Këtë e ka bërë të ditur përmes një njoftimi drejtuar mediave, Policia e Rajonit të Pejës ku ka dhënë detaje për rastin.

Sipas Policisë, deri te vetëaksidenti ka ardhur deri sa vozitёsi ishte duke qarkulluar nё rrugën Istog-Vrellё.

Duke mos ju përshtatur shpejtёsisё, shoferi ka humbur kontrollin dhe ka dalë nga rruga dhe si pasojё ka vdekur.

Policia njofton se vdekjen e shoferit e ka konstatuar ekipi mjekësor në vendin e ngjarjes.

“Me urdhër të Prokurorit  të shtetit trupi e pa jetë i viktimës dërgohet në Institutin e Mjekësisë Ligjore në Prishtinë, për obduksion”, thuhet në njoftim.


MË SHUME NGA Kronika