09:02 / 17.02.2023
Një person goditet me ekskavator në Pejë
E. Hoti/ RTKlive
Një person është goditur të enjten me ekskavator në Pejë.
Sipas Policisë së Kosovës, si pasojë e një defekti në ekskavator, shoferi e ka goditur viktimën i cili ka pësuar lëndime.
I njëjti është dërguar për tretman mjekësor fillimisht në Spitalin e Pejës e më pas në Qendrën Klinike Universitare të Kosovës në Prishtinë.
Lidhur me rastin, drejtuesi i ekskavatorit është arrestuar dhe pas intervistimit me vendim të prokurorit është liruar në procedurë të rregullt.
Rasti është iniciuar si “Shkaktim i rrezikut të përgjithshëm”.























