08:33 / 22.02.2023
E mashtroi se do ta punësonte, arrestohet i dyshuari në Prishtinë
E. Hoti/ RTKlive
Policia e Kosovës ka bërë të ditur se ka arrestuar një person për mashtrim.
Policia e Kosovës në raportin 24-orësh të së mërkurës ka njoftuar se rasti kishte ndodhur më 17 shkurt në lagjen “Emshir” në Prishtinë.
I dyshuari është arrestuar pasi që kishte mashtruar një grua duke i kërkuar rreth 350 euro me pretendimin se do ta punësonte.
Sipas Policisë, e njëjta ia kishte transferuar të hollat përmes bankës.
Pas intervistimit me vendim të prokurorit i dyshuari është dërguar në mbajtje.























