Një vrasje në tentativë ka ndodhur në qytetin e Lipjanit. Një i mitur është dërguar në mbajtje pasi dyshohet se u ka shkaktuar lëndime dy personave me një mjet të mprehtë.

Sipas Policisë, rasti ka ndodhur sot rreth orës 13:40 në rrugën "Lidhja e Prizrenit" në Lipjan.

“Personat e lënduar janë dërguar për trajtim mjekësor, ndërkohë që policia menjëherë  ka identifikuar dhe arrestuar personin e dyshuar”, thuhet në njoftimin e PK-së.

Pas intervistimit me vendim të prokurorit, i dyshuari  është dërguar në qendrën e mbajtjes.

Bëhet e ditur se hetuesit janë duke kryer procedurat e nevojshme lidhur me rastin i cili është cilësuar si “Vrasje në tentativë”.