09:43 / 22.03.2023
Arrestohen dy të dyshuar për veprën penale ‘Lëndim i rëndë trupor ’
E. Hoti/ RTKlive
Policia në Vushtrri ka arrestuar dy persona të dyshuar për veprën penale “Lëndim i rëndë trupor”.
Sipas njoftimit të Policisë së Kosovës, arrestimi i të dyshuarit është bërë mbi dyshim të arsyeshme, ku pas një mosmarrëveshje dy të dyshuarit kanë sulmuar fizikisht një person tjetër i cili ka kërkuar tretman mjekësor.
Pas intervistimit, dy të dyshuarve, me vendim të prokurorit u është caktuar masa e ndalimit policor.
Më tej bëhet e ditur se ndaj tyre janë duke u zhvilluar hetime ne drejtim të veprave penale “Lëndim i rëndë trupor “ dhe “ Asgjësim, dëmtim i pasurisë”.























