09:59 / 30.03.2023
Përfshihet nga zjarri një shtëpi në Pejë, një e lënduar
Policia e Kosovës ka njoftuar se një femër ka marrë lëndime trupore pasi një nga dhomat e shtëpisë së saj është përfshirë nga zjarri.
Në raportin 24 orësh të Policisë së Kosovës thuhet se rasti ka ndodhur të mërkurën rreth orës 14:00 në Vitomiricë të Pejës.
Më tej bëhet e ditur se viktima është dërguar në Qendrën Klinike Universitare të Kosovës (QKUK) për tretman mjekësor.
“Raportohet se në rrethana të panjohura nga zjarri është përfshirë një dhomë e një shtëpie dhe si pasojë lëndime e trupore ka pësuar viktima femër kosovare e cila është dërguar në QKUK për tretman mjekësor”, thuhet në raport.
Ndërkaq, njësit relevante dhe ekipi i zjarrfikësve kanë dalur në vendin e ngjarjes.
Rasti po vazhdon të hetohet.























