Arrestohet sepse kontrabandonte zogjë e birra nga Serbia
BKT
Foto: Policia e Kosovës
Kronika

Arrestohet sepse kontrabandonte zogjë e birra nga Serbia

J.Musliu/RTKlive

Pas pranimit të informatave nga terreni për lëvizje të dyshimta në brezin kufitar, duke intensifikuar kontrolle në rrugët e brezit kufitar dhe rrugët dytësore të fshatrave të Vitisë, Policia e Kosovës ka parandaluar një rast i kontrabandës me mallra.

Njesitë policore kanë kryer vëzhgimin e rrugëve malore që lidhen nga Konquli-Serbi me fshatin Korminjan-Republika e Kosovës,  ku rreth orës 19:30, në rrugë malore është ndaluar një traktor me rimorkio, i cili drejtohej nga personi i dyshuar i nacionalitetit serb me iniciale J.J, shtetas i Kosovës nga një fashat i komunës së Ranillug-ut.

Policia deklaron se gjatë kontrollit është vërejtur se kishte pasur të ngarkuara  20 arka të birrës "Tuborg"; 50 arka të birrës  "Zajqevsko"  dhe 2550 zogjë.

Malli dyshohet të jetë kontrabanduar nga territori i Serbisë dhe ishte futur ne Republikën e Kosovës në mënyrë  ilegale.

I dyshuari i lartcekur me iniciale është arrestuar dhe është shoqëruar për intervistim në Stacionin Policor për Mbikëqyrjen e Kufirit.

Rasti është trajtuar nga njësitë përkatëse policore nga Drejtoria Rajonale e Policisë Kufitare Lindje në koordinim me prokurorinë përkatëse,  Doganat e Republikës së Kosovës dhe AVUK-në.


MË SHUME NGA Kronika