Policia njofton për dy vdekje brenda 24 orëve
BKT
Foto: RTKlive
Kronika

Policia njofton për dy vdekje brenda 24 orëve

V. Thaçi / RTKlive

Policia e Kosovës njofton se dy persona kanë vdekur të dielën.

Sipas njoftimit rastet kanë ndodhur në Istog dhe Klinë, derisa janë iniciuar raste si “hetim i vdekjes”.

Në Istog, një grua ka kërkuar ndihmë mjekësore pasi viktima mashkull ishte në gjendje të rëndë shëndetësore.

Në vendin e ngjarjes kanë dalë njësitet policore dhe një autoambulancë, ku është konstatuar vdekja e tij. Me vendim të prokurorit, trupi i pajetë është dërguar në Institutin e Mjekësisë Ligjore për obduksion, e rasti po trajtohet.

Kurse në Klinë raportohet se viktima mashkull kosovar nga familjarët e tij ishte dërguar për tretman mjekësor me ç’rast nga mjeku është konstatuar se ai kishte ndërruar jetë.

“Njësitë policore janë duke e hetuar rastin, ndërsa trupi i pajetë i viktimës me urdhër të prokurorit është dërguar në IML për obduksion”, thuhet në raportin 24-orësh të policisë.


MË SHUME NGA Kronika