10:26 / 20.06.2023
Arrestohet i dyshuari për sulm seksual ndaj një gruaje në Fushë Kosovë
E. Hoti/ RTKlive
Një burrë është arrestuar nën dyshimin se ka kryer veprën e ngacmimit seksual ndaj një gruaje.
“Është arrestuar i dyshuari mashkull kosovar pasi i njëjti dyshohet se kishte ngacmuar seksualisht viktimën”, ka njoftuar Policia e Kosovës.
Rasti është raportuar se ka ndodhur në Fushë Kosovë rreth orës 18:38, teksa te i dyshuari është gjetur edhe substancë e dyshuar narkotike e llojit marihuanë.
Sipas Policisë gjatë kontrollit tek i dyshuari janë gjetur në posedim dhe konfiskuar 10.99 gram substancë e dyshuar narkotike e llojit marihuanë, për çka është hapur rast i veçantë.
Me vendim të prokurorit i dyshuari është dërguar në mbajtje.























