10:30 / 20.06.2023
Zhduket një person pas zbritjes në aeroportin “Adem Jashari”
E. Hoti/ RTKlive
Policia e Kosovës ka njoftuar se një person është zhdukur me të mbërritur në Aeroportin Ndërkombëtar “Adem Jashari” në Prishtinë.
Sipas njoftimit në raportin policor, personi që është raportuar i zhdukur kishte ardhur nga Zvicra më 18 qershor dhe pas zbritjes në aeroport më nuk dihet për vendndodhjen e tij.
“ANP- Adem Jashari 18.06.2023-14:00. Ankuesi mashkull kosovar ka raportuar se personi mashkull kosovar me vendbanim në Zvicër më datën 18.06.2023 ka zbritur në ANP “Adem Jashari” dhe më nuk dihet për vendndodhjen e tij”, ka njoftuar Policia e Kosovës.
Rasti është cilësuar si “person i zhdukur” dhe është në procedurë hetimore.























