09:57 / 23.06.2023
Siriani bleu banesë në veri, i uzurpohet nga një serbe
E. Hoti/ RTKlive
Një sirian ka raportuar se banesën që e kishte blerë nga një femër serbe i është uzurpuar nga një femër tjetër serbe.
Sipas Policisë së Kosovës, rasti ka ndodhur të enjten rreth orës 10:00 në rrugën Oslobogjenje, në veri të Mitrovicës.
Po ashtu në raportin 24 orësh të PK-së bëhet e ditur se të gjitha palët janë intervistuar dhe rasti është iniciuar si “Uzurpim prone” .
“Ankuesi mashkull sirian ka raportuar se banesën qe e kishte blerë nga një femër serbe, tani është uzurpuar nga një e dyshuar femër serbe. Të gjitha palët janë intervistuar dhe rasti është inicuar si më lartë”, thuhet më tej në raporti policor .























