Policia jep detaje për aksidentin në Drenas ku vdiq një pasagjere
BKT
Kronika

Policia jep detaje për aksidentin në Drenas ku vdiq një pasagjere

E. Hoti / RTKlive

Policia e Kosovës ka dhënë detaje për aksidentin e djeshëm me fatalitet në  fshatin Çikatovë e Vjetër të Drenasit.

Policia ka njoftuar se një veturë civile është vet-aksidentuar, teksa si pasojë e lëndimeve ka mbetur e vdekur një grua e cila ishte pasagjere.

Po ashtu, njoftohet se lëndime trupore kanë pësuar edhe drejtuesja e veturës, dhe pasagjerët tjerë një burrë dhe dy gra.

“Vdekjen e viktimës e ka konstatuar ekipi mjekësor në vendin e ngjarjes, ndërsa të lënduarit tjerë janë dërguar në tretman mjekësor”, thuhet në raportin 24 orësh të PK-së.

Bëhet e ditur se me urdhër të prokurorit trupi i pajetë i viktimës është dërguar në Institutin e Mjekësisë Ligjore për obduksion, ndërsa rasti është nën hetime.

 


MË SHUME NGA Kronika