15:06 / 23.09.2023
Arrestohet i mituri në Kaçanik, Policia i gjen revole me 3 copë fishekë
F.S / RTKlive
Policia e Kosovës përmes një njoftimi ka bërë të ditur se në Kaçanik të premten ka arrestuar një të mitur, kjo pasi të njëjtit i është gjetur një revole me 3 copë fishekë.
Në njoftim thuhet se me vendim të prokurorit i dyshuari është liruar.
“Fsh. Dushkaj, Kaqanik 22.09.2023 – 14:00. Është arrestuar i dyshuari mashkull kosovari i mitur, pasi që gjatë kontrollit tek i njëjti është gjetur në posedim dhe sekuestruar në revole me 3 copë fishekë. Me vendim të prokurorit i dyshuari është liruar, rasti vazhdon në procedurë të rregullt”, thuhet në raportin e Policisë.























