09:09 / 04.12.2023
Vdes një person në vendin e tij të punës
E. Hoti / RTKlive
Një person ka humbur jetën në vendin e tij të punës të dielën në Prishtinë.
Sipas raportit 24-orësh të Policisë, viktima kishte pësuar lëndime trupore pasi e kishin zënë disa panele druri.
Lidhur me rastin, viktima është dërguar në Qendrën e Mjekësisë Familjare në Prishtinë dhe nga mjeku kompetent është konstatuar vdekja e tij.
Njësitë relevante policore kanë dalë në vendin e ngjarjes, ndërsa me urdhër të prokurorit trupi i pajetë i viktimës është dërguar në Institutin e Mjekësisë Ligjore për obduksion.
Rasti është iniciuar si “asgjësim, dëmtim ose heqje e pajisjeve mbrojtëse dhe rrezikim i sigurisë në vendin e punës” .























