10:45 / 14.12.2023
Arrestohet i dënuari me një vit burg për vjedhje
E. Hoti / RTKlive
Policia e Kosovës ka njoftuar se ka arrestuar në Rahovec të dyshuarin R. Sh., i cili kërkohej me urdhër arrest të lëshuar nga Gjykata.
Urdhër arresti ndaj R. Sh. ishte lëshuar nga Gjykata për veprën penale “Vjedhje” dhe “Vjedhje e rendë”, teksa pas arrestimit me datën 13 dhjetor atij i është shqiptuar masa e dënimit.
Pas kompletimit të dokumentacionit thuhet se i njëjti është dërguar në vuajtje të dënimit në Qendër Korrektuese, në kohëzgjatje prej një viti.
Drejtoria Rajonale e Policisë në Gjakovë thotë se mbetet e përkushtuar për arrestimin dhe sjelljen para organeve të drejtësisë të personave të dyshuar.























