09:07 / 18.12.2023
Vetplagoset një person me armë zjarri në Kaçanik
E. Hoti / RTKlive
Është raportuar se një person është vetplagosur me armë gjuetie derisa kishte qenë në pyll për gjah.
Sipas raportit 24-orësh të Policisë së Kosovës rasti ka ndodhur në Kaçanik, teksa i njëjti pas tretmanit mjekësor në Ferizaj është dërguar në Qendrën Klinike Universitare të Kosovës (QKUK) dhe sipas mjekut kompetent gjendja e tij është stabile.
Në vendin e ngjarjes është gjetur dhe konfiskuar arma dhe një gëzhojë.
Policia ka bërë të ditur se rasti po hetohet si “shkaktim i rrezikut të përgjithshëm”.























