23:12 / 28.12.2023
Këto janë masat ndaj dy shoferëve për vozitje të shpejtë në autostradë
E. Hoti / RTKlive
Njësia për Kontroll të Autostradave e Policisë së Kosovës ka gjobitur dy shoferë me nga 300 euro dhe ua ka ndaluar drejtimin e automjetit për tre muaj.
Siç njofton Policia, në zonën ku kufizimi i shpejtësisë është 120 km/h janë identifikuar dy shoferë në tejkalim të shpejtësisë, njëri ishte duke drejtuar mjetin me shpejtësi 188 km/h dhe tjetri me shpejtësi 205 km/h.
Të njëjtit janë gjobitur me 300 euro dhe 3 muaj iu është ndaluar drejtimi i mjetit me veprim motorik.























