Të shtëna me armë në Ferizaj pas një mosmarrëveshje mes disa personave
BKT
Kronika

Të shtëna me armë në Ferizaj pas një mosmarrëveshje mes disa personave

E. Hoti / RTKlive

Tre persona kanë raportuar se pas një mosmarrëveshje me një person, i njëjti në një distancë rreth 150 metrave ka shtënë disa herë me armë zjarri.

Në raportin 24-orësh të Policisë së Kosovës bëhet e ditur se rasti ka ndodhur të hënën rreth orës 13:53,  në Ferizaj.

“Në konsultim me prokurorin, është bastisur shtëpia e të dyshuarit me ç’rast është gjetur dhe konfiskuar një armë zjarri revole me gaz e cila dyshohet të jetë përdorur në rast, ndërsa i dyshuari gjendet në arrati”, thuhet në njoftimin e PK-së.

Rasti i cili po hetohet nga organet kompetente është iniciuar si “Kanosje me armë zjarri”.


MË SHUME NGA Kronika