09:02 / 21.02.2024
Sulmoi policin në Prishtinë, arrestohet i dyshuari
E. Hoti / RTKlive
Policia e Kosovës ka njoftuar se ka arrestuar një person pasi në gjendje të droguar ka sulmuar fizikisht zyrtarin policor.
Sipas policisë, rasti ka ndodhur në rrugën “Hamëz Jashari” në Prishtinë, në ora 00:45.
“Është arrestuar i dyshuari mashkull kosovar, pasi që në gjendje të droguar ka sulmuar fizikisht zyrtarin policor. Viktima ka pranuar tretman mjekësor”, thuhet në raportin 24-orësh të PK-së.
Policia ka bërë të ditur se nga i dyshuari është konfiskuar një sasi e dyshuar narkotike, ndërkaq me vendim të prokurorit i dyshuari është dërguar në mbajtje.























