09:15 / 21.02.2024
Vrasje në tentativë në Vushtrri
E. Hoti / RTKlive
Policia e Kosovës ka njoftuar se tre persona janë rrahur në Vushtrri për shkak të një prone, ku si pasojë e përdorimit të armës së zjarrit njëri nga personat është plagosur.
Siç ka njoftuar Policia në raportin e saj 24-orësh, viktima është dërguar në QKUK për tretman mjekësor.
“Në vendin e ngjarjes është gjetur dhe sekuestruar një pistoletë me 9 fishekë, një gëzhojë dhe një kaçavidë”, ka njoftuar Policia e Kosovës.
Dy të dyshuari janë arrestuar dhe me vendim të prokurorit njëri është dërguar në mbajtje, ndërsa tjetri është liruar në procedurë të rregullt.
Tutje u bë e ditur se rasti është iniciuar si “ vrasje në tentativë”.























