15:12 / 27.02.2024
Pesë të lënduar në një aksident trafiku në rrugën Mitrovicë-Vushtrri
E. Hoti / RTKlive
Pesë persona kanë mbetur të lënduar si pasojë e një aksidenti trafiku që ka ndodhur të martën në rrugën rajonale Mitrovicë-Vushtrri.
Rastin për RTKlive e ka konfirmuar zëdhënësi i Policisë për rajonin e Mitrovicës, Avni Zahiti.
Ai ka thënë se në aksident janë përfshirë dy vetura, teksa të lënduarit kanë kërkuar tretman mjekësor.
“Rreth orës 12:40, është raportuar për një aksident trafiku i shkaktuar në rrugën rajonale Mitrovicë- Vushtrri, përkatësisht në fshatin Frashër, në aksident janë përfshirë dy vetura, si pasojë e aksidentit pesë persona kanë kërkuar tretman mjekësor”, ka thënë Zahiti.























