Kaplohet nga zjarri një veturë në lëvizje në Obiliq
K.Kasumi/RTKlive
Policia e Kosovës ka njoftuar se një person ka raportuar se derisa ka qenë në lëvizje në autostradë, vetura e tij me targa të huaja papritmas është kapluar nga zjarri dhe më pas është djegur tërësisht.
Sipas policisë ngjarja ka ndodhur dje rreth orës 21:15, në Obiliq.
Tutje një njoftim thuhet se në vendin e ngjarjes përveç njësive policore kanë dalë edhe zjarrfikësit.
“Ankuesi mashkull kosovar ka raportuar se derisa ka qenë në lëvizje në autostradë, vetura e tij me targa të huaja papritmas është kapluar nga zjarri dhe më pas është djegur tërësisht. Në vendin e ngjarjes përveç njësive policore kanë dalë edhe zjarrfikësit”, thuhet në raportin e Policisë.
Ndërkaq, përveç dëmeve materiale nuk është raportuar për të lënduar. Lidhur me rastin është njoftuar prokurori, rasti procedohet në procedurë të rregullt.























