10:42 / 29.05.2024
Një i arrestuar për sulm seksual ndaj një gruaje në Podujevë
E. Hoti / RTKlive
Policia e Kosovës ka njoftuar se ka arrestuar një burrë për sulm seksual në Podujevë.
Në raportorin 24-orësh, Policia ka njoftuar se rasti ka ndodhur më 28.05.2024 rreth orës 12:40.
“Është arrestuar i dyshuari kosovar për arsye se i njëjti e kishte kryer veprën e lartcekur ndaj viktimës femër kosovare. I dyshuari pas intervistimit me vendim të prokurorit është dërguar në mbajtje”, thuhet në njoftim.
Rasti është iniciuar nga organet e rendit si “Sulm seksual”.























