Vdes një i burgosur në Qendrën e Paraburgimit në Prishtinë
BKT
Kronika

Vdes një i burgosur në Qendrën e Paraburgimit në Prishtinë

K. K / RTKlive

Shërbimi Korrektues i Kosovës dhe Departamenti Shëndetësor i Burgjeve ka bërë të ditur se sot, rreth orës 06:18, në Qendrën e Paraburgimit të Prishtinës ka ndërruar jetë i burgosuri H.B.

SHKK, nëpërmjet një njoftimi në Facebook, ka njoftuar se trajtimi ka vazhduar edhe gjatë kohës së paraburgimit nga mjekët, specialistët konsultantë dhe institucionet e tjera, sipas indikacioneve. Gjendja shëndetësore e tij është përkeqësuar mbrëmë rreth orës 22:00, dhe është thirrur Emergjenca e qytetit, e cila e ka trajtuar dhe stabilizuar gjendjen e të burgosurit.

"Në mëngjes, gjendja e tij është përkeqësuar përsëri dhe është kërkuar mbështetje nga ekipi i Emergjencës së qytetit. Ky ekip, së bashku me ekipin mjekësor të burgut, janë përpjekur për reanimim, por pa sukses. Në orën 06:18, nga të dy ekipet është konstatuar vdekja e të burgosurit", ka njoftuar SHKK.

"Organet kompetente janë duke zhvilluar procedurat ligjore, ndërsa bazuar në ligjet në fuqi, autopsia do të verifikojë shkakun e vdekjes", thuhet në njoftim.

Tutje u tha se organet kompetente janë duke zhvilluar procedurat ligjore, ndërsa bazuar në ligjet në fuqi, autopsia do të verifikojë shkakun e vdekjes.


MË SHUME NGA Kronika