Arrestohet për shkak të shitjes së paautorizuar të narkotikëve
BKT
Foto / RTKlive
Kronika

Arrestohet për shkak të shitjes së paautorizuar të narkotikëve

V.Th. /RTKlive

Prokuroria Themelore në Prishtinë, njofton se është arrestua i dyshuari L.Sh. dhe i njëjti është ndaluar nga Prokurori i Shtetit për shkak të dyshimit të kryerjes së veprave penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” dhe “Sulmi ndaj personit zyrtar”.

 “Sipas detyrës zyrtare, Prokurori i Shtetit njëherit koordinatori për veprat penale të narkotikëve në koordinim të plotë me Policinë e Kosovës-Drejtorinë për Hetimin e Trafikimit me Narkotik, kanë ndërmarrë veprime hetimore lidhur me dyshimet për kryerjen e veprës penale të shit-blerjes të narkotikëve, me ç’ rast gjatë ditës së djeshme është realizuar plani i koduar “Përfundimi”, në rrugën “Kongresi i Drejtshkrimit” Prishtinë, rreth orës 18:00, i cili ka rezultuar fillimisht me arrestimit e të dyshuarit L.Sh., nga ana e policisë dhe më pas me ndalimin e të njëjtit nga Prokurori i Shtetit, për shkak të dyshimit të kryerjes së veprave penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” dhe “Sulmi ndaj personit zyrtar”, sipas KPRK-së” , thuhat në njoftim.

Sipas njoftimit i dyshuari me qëllim të shmangies nga arrestimi dhe ndalimi, me veturën e tij e ka goditur veturën zyrtare të policisë duke shkaktuar dëme materiale, si dhe dy zyrtarëve policor iu ka shkaktuar lëndime trupore, për çka edhe kanë marrë trajtimin e nevojshëm mjekësor.

Tutje njoftohet se gjatë kontrollit në trupin dhe veturën e të dyshuarit janë gjetur një sasi e dyshuar narkotike e mbeshtjellur në qese. Ndërsa, pas zbatimit të urdhëresës për bastisje, e cila është bërë në dy lokacione, Prishtinë dhe Fushë Kosovë, si dhe kontrollit në veturën e të dyshuarit janë gjetur dhe sekuestruar: 6 qese me narkotik të llojit marihuanë në peshë 5.4 gram, marihuanë në peshë 102.5 gram, 3.9 gram kokainë, një sasi e qeseve të zbrazëta, një peshore digjitale për matje, një telefon celular dhe 282 € (para kesh).

I dyshuari ndodhet nën masën e ndalimit prej 48 orësh, derisa ndaj të njëjtit prokuroria do t’i ndërmerre veprimet e mëtejme ligjore.

Po ashtu njoftohet se operacioni është realizuar me sukses në saje të bashkëpunimit të ngushtë të Prokurorit të Shtetit me Policinë e Kosovës.


MË SHUME NGA Kronika