14:37 / 14.08.2024
Tre të lënduar në një aksident trafiku në Prishtinë
E. Hoti / RTKlive
Një aksident trafiku ka ndodhur sot rreth orës 02:00 në rrethin që lidhë rrugët “UÇK” dhe “Tirana” në Prishtinë.
Rastin për RTKlive e ka konfirmuar zëdhënësja e Policisë për rajonin e Prishtinës, Flora Ahmeti.
Ajo tha se në aksident është përfshirë një automjet .
“Si pasojë e aksidentit janë lënduar tre persona dhe janë shkaktuar dëme materiale”, tha Ahmeti .
Sipas Ahmetit, personat e lënduar janë dërguar për trajtim mjekësor, teksa me rastin po merret Njësiti i trafikut.























