09:27 / 28.01.2025
Dy vajza raportohen të zhdukura për 24 orë
E.Hoti RTKlive
Policia e Kosovës ka njoftuar për dy raste të zhdukjes gjatë 24-orëve të fundit në Kosovë.
Në Ferizaj një vajzë tash e katër ditë ka dalë nga shtëpia dhe nuk dihet vendndodhja e saj.
“Është raportuar se viktima femër kosovare ka dal nga shtëpia dhe nuk dihet asgjë për vendodhjen e saj”, thuhet në njoftim.
Rasti është në procedurë hetimore.
Edhe në rastin në Prizren bëhet fjalë për një vajzë, e cila ka dalë nga shtëpia në mëngjesin e së hënës dhe nuk dihet se ku është.
“Është raportuar se nga shtëpia ka dalë viktima femër kosovare dhe nga atëherë nuk dihet vendndodhja e saj”, thuhet në njoftim .
Edhe ky rast është duke u hetuar.























