09:43 / 07.02.2025
Sulmoi policin, arrestohet i dyshuari në Gjilan
E. Hoti / RTKlive
Policia e Kosovës ka njoftuar se ka arrestuar një person në Gjilan pasi dyshohet se ka sulmuar fizikisht një zyrtar policor.
Sipas Policisë, i dyshuari ka drejtuar automjetin nën ndikimin e alkoolit në rrugën “Avdullah Tahiri”.
“ Është arrestuar i dyshuari mashkull kosovar pasi që duke drejtuar automjetin nën ndikim të alkoolit dhe duke mos i respektuar urdhrat e zyrtarëve policor, e ka sulmuar fizikisht njërin prej tyre”, ka njoftuar Policia.
Me vendim të prokurorit, i dyshuari është dërguar në mbajtje.























