16:21 / 12.08.2025
Aksident trafiku në Prishtinë, dy persona të lënduar
E.Hoti/RTKlive
Një aksident trafiku ka ndodhur sot mes dy veturave në rrugën “Fadil Vata” në lagjen Kodra e Diellit në Prishtinë.
Lajmin për RTKlive e ka konfirmuar zyrtari për informim i policisë në kryeqytet, Enis Pllana.
“Në aksident janë përfshirë dy vetura, dhe si pasojë, dy persona kanë mbetur të lënduar”, tha ai.
Në vendin e ngjarjes kanë dalë menjëherë njësitet policore si dhe autoambulanca, ndërsa po vazhdojnë hetimet për shkaqet e aksidentit.























