Ndalohen pajisje për transplant të flokëve në Aeroportin `Adem Jashari`
BKT
Kronika

Ndalohen pajisje për transplant të flokëve në Aeroportin `Adem Jashari`

Gjatë kontrolleve të rregullta në Aeroportin Ndërkombëtar “Adem Jashari”, doganierët kanë ndaluar një sasi të konsiderueshme pajisjesh profesionale për transplant të flokëve.

Sipas njoftimit nga Dogana, këto pajisje u zbuluan gjatë skanimit të bagazheve të një udhëtari që po hynte në Kosovë.

“Në mesin e mallrave të ndaluara ishin instrumente mjekësore, pajisje ndihmëse, materiale sterile dhe preparate për trajtim pas ndërhyrjeve estetike në fushën e transplantit të flokëve”, thuhet në njoftim.

Pajisjet janë ndaluar përkohësisht deri në përfundimin e procedurave ligjore përkatëse.

Dogana e Kosovës kujton se çdo udhëtar ka detyrimin ligjor të deklarojë mallrat që bart me vete, ndërsa mosdeklarimi i tyre përbën shkelje të ligjit dhe mund të sjellë pasoja ligjore.


MË SHUME NGA Kronika