Tre të plagosur nga të shtënat me armë në një lokal në Deçan
BKT
Kronika

Tre të plagosur nga të shtënat me armë në një lokal në Deçan

Sh.Çoçaj|RTKlive

Tre persona kanë mbetur të plagosur pas të shtënave me armë zjarri që kanë ndodhur në orët e para të mëngjesit të së martës në një lokal në Deçan.

Sipas Policisë së Kosovës, rasti është raportuar rreth orës 00:18. Njësitë policore kanë dalë menjëherë në vendin e ngjarjes, ku kanë gjetur tre persona të shtrirë, të lënduar nga arma e zjarrit.

Zëdhënësi i Policisë për rajonin e Pejës, Fadil Gashi, ka bërë të ditur se të plagosurit fillimisht janë dërguar në Qendrën e Mjekësisë Familjare, për t’u transferuar më pas në Emergjencën e Spitalit Rajonal të Pejës.

Në lidhje me rastin, një person i dyshuar është arrestuar dhe me urdhër të prokurorit të shtetit është dërguar në mbajtje për 48 orë.

Personi i dyshuar ёshtё arrestuar nё vendin e ngjarjes, dhe tek i njëjti janё gjetur dhe sekuestruar: njё armё pistoletё Zoraki 9mm; njё karikator i sё njёjtёs armё, nёntё fishekё kal:9mm dhe tri gёzhoja.

Në vendin e ngjarjes janë sekuestruar një armë zjarri dhe një karikator me nëntë fishekë. Policia ka nisur hetimet për zbardhjen e plotë të rrethanave të incidentit.


MË SHUME NGA Kronika