Aksion në ndërmarrjen ‘Eko Regjioni’ në Prizren, arrestohen dy persona
BKT
Kronika

Aksion në ndërmarrjen ‘Eko Regjioni’ në Prizren, arrestohen dy persona

Medina Pasoma / RTKlive

Janë arrestuar dy persona të dyshuar për keqpërdorim të detyrës zyrtare, njëri nga ta në ndërmarrjen publike “Eko Regjioni”.

Prokuroria Speciale ka njoftuar se A.G dyshohet për veprën penale “Keqpërdorim i pozitës apo autoritetit zyrtar”, ndërsa R.Z për “Keqpërdorimi dhe Mashtrimi në prokurimin publik”.

“Hetuesit policorë kanë kryer bastisje në disa lokacione në Prizren dhe në Ferizaj, përfshirë ambientet e ndërmarrjes publike “Eko Regjioni” si dhe të një subjekti privat. Urdhër kontrolli është realizuar si një hap i rëndësishëm procedural, në kuadër të hetimeve që Prokuroria Speciale e Republikës së Kosovës është duke i zhvilluar lidhur me dyshimet për një aktivitet të tenderimit”, thuhet në komunikatën e PS-së.

Gjatë zbatimit të urdhër kontrollit, në mesin e provave janë gjetur dhe sekuestruar një pushkë automatike AK-47 si dhe para të gatshme.


MË SHUME NGA Kronika