20:55 / 19.02.2026
Arrestohet personi i dënuar me 5 vjet burg për dhunim në Prishtinë
Gentiana Kelmendi/RTKlive
Policia e Kosovës ka arrestuar sot një person të kërkuar me urdhëresë gjykate, i dënuar me pesë vite burg për veprën penale “Dhunimi”.
Në kuadër të zbatimit të planit operativ “Realizimi i Urdhëresave të Gjykatës”, njësitet policore të Drejtorisë Rajonale të Prishtinës kanë arrestuar sot, më 19.02.2026, personin L.M., i lindur në 2004, i dënuar me pesë vite burg për veprën penale “Dhunimi”.
Pas arrestimit, i njëjti është dërguar për vuajtje të dënimit në Burgun e Dubravës.
Policia e Kosovës thekson se mbetet e përkushtuar në garantimin e sundimit të ligjit dhe vazhdon angazhimin për sigurinë e qytetarëve dhe rendin publik.























